Wala mag-apas ang pangulo sa kapolisan sa probinsya sa Sugbu nga mahimong City Director sa dakbayan sa Mandaue hulip kang Sr. Supt. Rodel Calungsod.
Si Sr. Supt. Carmelo Valmoria, director sa Cebu Provincial Police Office mitug-an sa mga tigbalita nga ang iyang posisyon karun parehas ra sa posisyon sa usa ka city director.
Si Valmoria maoy usa sa lima nga giingong papilian kang Mandaue City Mayor Jonas Cortes hulip ni Calungsod.
Si Valmoria nahimong direktor sa CPPO sulod na sa 17 ka bulan ug nagplano karong mangita og mas taas nga posisyon sa National Headquarters inig kapupos sa iyang termino.
“I think there are other qualified officers, I have to go up the ladder after serving as the CPPO director,” maoy tubag niini dihang gipangutana kun siya gyud ang pilion ni Mayor Jonas Cortes.