Patay nang nahidangat sa tambalanan ang usa ka 9-anyos nga batang babaye ug tinun-an sa grade four human kini madasmagi og sakyanan sa iyang paglabang sa karsada sa national highway sa barangay Cotcot lungsod sa Liloan niadtong Domingo sa ala 1:30 sa hapon.
Ang biktima mao si Myriel Asampado Basseliote, molupyo ra usab sa nahisgutang lugar human kini madasmagi sa usa ka Nissan Frontier nga gimaneho ni Norman Cabang Maloloy-on, 34, taga Sunrise illage barangay Pardo siyudad sa Sugbu.
Matud ni PO3 Ramir Maglasang, traffic inestigator sa Liloan Police dihang nahinabi sa Banat News gikan sa amihanang bahin ang sakyanan paingon na kining mopauli sa siyudad sa Sugbu gidasmagan ang nagdagan nga biktima tabok sa karsada.
Gitabang unta ug gihatod sa Eersely Hospital sa Jagobiao siyudad sa Mandaue apan gideklarar kining dead on arrial.
Samtang ang drayber nga si Maloloy-on boluntaryong nitahan sa kapulisan ug gikatakdang kasong reckless imprudence resulting to homicide ang ipasaka batok kaniya.