Duha gipatay sa Lapu'

CEBU - Duha ka tawo ang gipamatay sa managlahing dapit sa dakbayan sa Lapulapu kagahapon sa buntag ug sa milabay’ng gabii.

 Ang unang insidente nahitabo alas 10:45 sa milabay’ng gabii diin usa ka tawo ang gipusil patay sa usa ka security guard nga nadestino sa Cebu Metal Corporation kon CMC habig sa Bonifacio St. barangay Poblacion dakbayan sa Lapulapu.

 Ang biktima mao si Wilfredo Pagobo Bayugo, 31 residente sa maong dapit kinsa naaktuhan diha sa sulod sa compound sa nag-roing nga gwardiyang si Reynaldo Tampus Casul, 44, sakop sa Saint Joseph Security Serices Inc. 

Matud pa ni PO3 Manolito Abellanosa sa homicide section nagduda si Casul nga armado si Bayugo nga nagbahas-bahas sulod sa iyang gibantayan maong giunhan niya kini pagpusil ginamit ang iyang serice 12-gauge shotgun tumong gyud sa ulo niini.

Gidala sa Mactan Doctors Hospital si Bayugo apan pipila ka gutlo nakabsan gyud sa kinabuhi si Bayugo samtang mitahan usab si Casul ngadto sa kapolisan. 

Nagduda si Casul nga si Bayugo maoy responsable sa mga nangawagtang nga mga gamit sa gibantayang compound ug gumikan sa kabalakang armado usab ang mga kawatan karong panahuna maong iyaha kining giunhan.

Samtang kagahapon mga alas 6:30 sa buntag gipusil patay ang usa ka janitor sa sitio Bulanghoy Humayhumay, Gun-ob sa samang dakbayan samtang kini naghigda sa usa ka lantay.

Ang biktima mao si irgilio Galagar, 35, residente sa barangay Guadalupe dakbayan sa Sugbu ug sakop sa Perfect Clean (usa ka janitorial serices) ug nadestino sud sa MEPZ II sa Basak dakbayan sa Lapulapu.

 Walay nakakita sa pagkahitabo gawas lang sa nadunggang buto sa armas pasado alas 12:30 kagahapon sa kaadlawon apan buntag na nila madiskubreheng duna diay gipatay diha sa ilang dapit nga mao si Galagar.

Si Maria Liquin, tag-iya sa panimalay nga gihigdaan sa biktima mihulagway nga maayong tawo ang biktima ug kanunay kini nga mosuroy ug mokaon sa ilang dapit.

Sa wala pa ang hitabo miabot si Galagar sa milabay’ng gabii nga hubog ug natulog nalang sa tindahan nga duol sa ilang panimalay, gumikan niini gisugo ni Liquin ang iyang pag-umangkon nga sakwaton si Galagar ngadto sa ilang tugkaran agi og sukli sa ka maayong tawo niini.

 Apan nakugang nalang sila sa nahitabo hinuon sa biktima nga gipatay na hinuon kini. Nasuta sa kapolisan nga may usa ka samad pinusilan diha sa ulo ang biktima ug wala na ang iyang cellphone, relo, pitaka ug cash.

Dunay pagdudang posibleng gitulis o ba kaha gikawatan dayon gipusil ang biktima. (BANAT NEWS)