Press Freedom Month saulogon sa SUKNA

Ang mga sakop sa Sugbuanong Komentaristang Nagpakabana (SUKNA) Inc., magsaulog sa Press Freedom Month/Cebu Media Month, karong buwan sa Septiyembre.

Sa Sept. 1 (Lunes) mao ang Opening Salvo kon pagbukas sa maong kasaulogan nga adto ipahigayon sa Vienna Kaffeehaus sa dalan Gen. Maxilom Ave. sa alas 10 sa buntag diin adto ipahigayon ang launching sa mga proyekto sa Sukna sama sa "Say Thank You With A Smile", "God First", Success Course Program, Project Sharing ug "Health Is Wealth". Human sa maong pagbukas mosunod ang kalihukan sud sa kalendaryo sa mga aktibidades.

Sept. 6 (Sabado), alas 10 sa buntag hangtud sa alas 12 sa udto, usa ka live radio program nga isibya sa estasyon DYRB nga didto manukad sa Bartber's sulod sa Mango Square. Sa Sept.8, Lunes adunay usa ka santos nga misa nga adto ipahigayon sa Cebu Metropolitan Cathedral sa alas 7:30 sa buntag. Kini pagasundan sa usa ka pamahaw alang sa mga sakop sa Sukna nga mitambong sa maong misa. Unya human sa Cebu Media Breakfast Fellowship, mipatighug ang mga sakop ngadto sa Mama Mary Shrine didto sa Simala, lungsod sa Sibonga alang sa usa ka pilgrimage.

Sept. 9 (Martes), floral offering alang sa The Grand Old Man of Cebu, Don Sergio Osmeña Sr. Kini himoon sa marker sa mga dalan Lapulapu ug Juan Luna. Sept. 11 (Huwebes), ika-30th Anniversary Celebration sa Cebu Breakfast Club, Inc., didto sa Sacred Heart Center, sa dalan D. Jakosalem. Magsugod alas 7 sa gabii. Sept. 13 (Sabado) Thanksgiving Mass and Floral Offering didto sa Love Marker nga gitukod sa Sukna didto sa Brgy. Dawis, San Roque, siyudad sa Talisay, alang ni Jojo dela Victoria nga kanhi sekretaryo sa Sukna. Gikan didto mopadayon ang mga sakop sa Sukna didto sa Talisay City Mayor's Conference Room alang sa Continuing Media Education. Sept. 20 (Sabado), alas 10 sa buntag "Sukna Forum On The Role Of Media" nga isibya live sa DYRB. Sept. 21 (Domingo), Press Freedom Caravan gikan sa siyudad sa Sugbu ngadto sa siyudad sa Danao alang sa usa ka salo-salo didto sa pinuy-anan ni Engr. Ed Batiquin nga mao karon ang interim President. Sept. 22 (Lunes). Induction sa mga magdumala sa Visayas Media Association (VMA).

Sept. 26 (Biyernes), "Sukna Effective Writing Seminar" sa silid #205 G.K. Chua Bldg. tupad sa E-Mall sa dalan Sanciangko. Magsugod alas 2 hangtud alas 5 sa hapon. Sept. 27 (Sabado) alas 10 sa buntag hangtud alas 5 sa hapon, Cebu Media Sing-a-long Fellowship didto sa mao gihapong dapit. Sa alas 5 sa hapon VMA-Democracy In Action Kapihan On Press Freedom & The Role Of Media, live sa DYRB adto manukad sa Rajah Park Hotel, Fuente Osmeña.

Sept. 28 (Domingo) Sugod alas 10 sa buntag Sukna-Cordova Mangrove Reforestration Project didto sa isla sa Nalusuan, Cordova, Sept.30 (Martes, alas 2 sa hapon Project Presentation sa Sukna Success Course Prog ram, didto sa silid #205 G.K. Chua Bldg. kilid sa E-Mall sa dalan Sanciangko. (PR/Loy Jurado, Sukna Mass Media Officer)