PNP Dir. Razon moari alang sa 14th PNP day
Moabot karong buntaga dinhi sa Sugbu si PNP Chief Avelino Razon Jr. aron motambong sa ika 14th nga anibersaryo sa Police Regional Office-7.
Siya maoy guest of honor ug speaker sa maong kalihokan diha sa PRO-7 diin sa susamang kalihokan siya usab ang moabli sa “Mamang Police Store” nga nahimutang sulod sa nahisgutang kampo.
Atol sa maong kalihokan dunay 18 ang makadawat og special awards, siyam niini mga individual awards samtang laing unom ka mga offices ang hatagan usab og awards.
Matud ni Chief Supt. Ronald Roderos ang Mamang Police store susama og groceries sa mga uniporme sa PNP, sama sa boots ug uban pa ug mahimong makapalit ang mga polis sa ilang panginahanglanon ug walay Value Added Tax (VAT).
Gawas pa niini, ang mga sakop sa PNP defense Press Corps pinangulohan ni Dennis Tabar kinsa maoy presidente sa maong grupo nga nagkober sa mga panghitabo sa kapolisan ug militar hatagan og award ni Razon.
Human unya pagpanghatag og awards si Razon motambong sa ground breaking sa PNP Gas Station ug unyang gabii siya maoy guest of honor and speaker sa PADPAO diha sa
Mao usab kini ang adlaw nga manamilit si Razon sa PRO-7 isip ilang PNP chief tungod kay karong Septiyembre 27 moretiro subay sa mandatory age retirement nga 57 gikan sa serbisyo publiko samtang gihugun-hugunan nga si Chief Supt. Jesus Versoza nga luyo-luyong hepe ni Razon maoy mohulip niya.
- Latest
- Trending
