'Baby Ama' gibuk-ag ulo, tipi

Gibuk-an sa iyang ulo ang usa ka 23 anyos nga lalaki diha sa Quadrangle, sitio Laguna, barangay Lorega San Miguel ning dakbayan.

Dead-on-arrival sa Cebu City Medical Center (CCMC) si Leonardo Nayre “alias Baby Ama” 23, residente sa maong lugar samtang ang nakapusil kaniya mao ang iyang silingang si Roland Ybañez.

Sa imbestigasyon nila ni SPO4 Alex Dacua ug mga kaubanan sa Homicide Section sa Cebu City Police Office, si SPO1 Benjamin Herbias Jr. maoy unang naka-responde sa maong pagpamusil sanglit resident era kini sa maong lugar.

Matud pa ni SPO1 Herbias nga mga alas 8:30 niadtong miaging gabii samtang diha na siya sulod sa iyang panimalay nadungog niini  ang buto-buto sa armas.

Nunot niini dali siyang migawas ug gisusi kun asa gikan ang buto sa armas apan mao nalay iyang nakita ang biktimang si Nayre nga nalup-og diha sa yuta nga adunay samad pinusilan sa ulo.

Hinungdan nga nidali dayon siyag pangayo’g panabang sa iyang mga silingan ug gidali sa pagdala sa CCMC ang biktima samtang ang suspetsado nakasibat dihang nipahigayon og hot-pursuit operation ang kapulisan.

Narekober sa crime scene ang usa ka paltik nga .38 rebolber nga may upat ka mga kabhang sa bala ug usa ka deformed slug. Wala pa matino kung unsay motibo sa pagpatay sa biktima.