Paggamit sa gasolina gisusi

Gisusi sa mga sakop sa konseho sa dakbayan sa Mandaue ang paggamit sa gasolina sa opisina sa budget sa maong dakbayan kay nati ngala sila nganong tag kapin sa 30 litros ang makonsumo niining gasolina.

Nunot niini gitukod ni  Bise Mayor Carlo Fortuna ang usa ka komite sa mga imbistigador nga gilangkoban nila ni Majority Floor Leader Victor Biaño, Konsehal Emiliano Rosal nga maoy chairman sa committee on budget and appropriation ug uban pa aron mosuta niini.

Si Rosal dihang nahinabi sa Banat News miingon nga ang maong gidaghanong nga  gasolina kun tinuod kini nagpasabot nga si City Budget Officer Lamberto Marababol magpunay lang og padagan sa iyang sakyanan kada oras.

Hinuon si Marababol mibutyag nga bisan kinsa lay mogamit sa sakyanan sa iyang opisina hinungdan nga sige lang og buhagay ang gasolina niini.