Mobile court gihangop

Gihangop ni Vice Mayor Michael Rama ang programang Justice on Wheels sa Supreme Court.

Kini mao ang gitawag nga Mobile Court  kinsa nakatabang sa pagpagawas sa ubay-ubay nang mga binilanggo sa nangaging mga adlaw.

Ang maong mobile court  maoy motabang sa paghusay sa mga kasong napundo sa nagkalainlaing korte dinhi sa Sugbo  ilabi na  sa mga piniriso kinsa nagtingkagol lang gihapon sa prisohan bisan kun milapas na sa termino sa ilang pagkabilanggo.

Ang nakalangay kanila sa paggawas mao ang kapakyas sa korte sa paghusay dayon sa ilang mga kaso gumikan sa paglaundok niini sa nagkalainlaing  hukmanan.

Ang mobile  court nakatabang kaayo sa mga piniriso nga dili makabayad og abogado  nga molaban            kanila.

Maoy hinungdan nga gidayeg kaayo kini ni Rama sanglit nakapaluag kini sa mga prisohan sa Bagong Buhay Rehabilitation Center (BBRC)  ug sa Cebu Provincial Detention  and Rehabilitation Center (CPDRC).

Si Rama kinsa maoy chairman sa Police Coordinating and Advisory Council (PCAC) nagkanayon nga  kun mokibra ang  mga binilanggo, mogamay usab ang magasto sa gobiyerno sa pagpakaon sa prisohan.