Ilegal recruiter nga Singaporean nadakpan
Nasikop sa mga ahente sa Bureau of Immigration and Deportation (BID)- 7 didto sa Ninoy Aquino International Airport (NAIA) ang usa ka Singaporean national nga nalambigit sa “human trafficking” o ilegal nga pagpalusot og mga tawo ngadto sa gawas sa nasud gikan dinhi sa rehiyon 7.
Matud pa ni BID- 7 Regional Director ug Alien Control Officer, Dr. Reynaldo Almadin nga mapasalamaton siya sa iyang mga ahente sa BID-7 sa pagsikop nila ni Cho Peng Lai nga nangrekurida og mga tawo dinhi sa Sugbu, Bohol, Negros ug uban pang bahin dinhi sa nasud nga walay permiso.
Sumala ni Almadin nga kasagarang gi-recruit ni Cho mga babaye nga iyang gipalusot ngadto sa Japan ug Singapore para “prostitute” o pagbaligya sa lawas nga usa ka dakong kalapasan sa Immigration law ug sa RA 9208 kon Human Trafficking Law.
Maoy hinungdan nga si Cho gipangita dayon sa mga otoridad sa BID-Manila dinhi sa
Dihang nasayran sa BID-7 nga nangrecruit na usab kini og mga babaye dinhi sa Visayas kauban ang taga Cebu aron dad-on ngadto sa Singapore niadtong Agosto 10, gipadala dayon si BID officer Lucio Andrade Jr. ug mga kaubanang ahente ngadto sa NAIA terminal 3 sa Pasay City ug didto nasakpan si Cho.
Ang mga kauban nila ni Andrade mao ang mga tinugyanan sa Police Center for Aviation Security kun PCAS sa maong tugpahanan sa pagsikop kang Cho nianang alas 8:00 sa gabii uban sa laing duha ka bag-ong biktima nga gikan pa sa Davao.
Matud pa ni Cebu City Assistant Prosecutor Mary Ann Castro nga maoy nangimbestigar sa maong kaso nga gihandos na niya ang tanang rekord ngadto sa kaulohan diin si Cho tua na karon magtingkagol sa ilang detention cell sa Bicutan, Sucat, dakbayan sa Muntinlupa sa Metro Manila.
Midugang si Castro ang sunod nga lakang nga buhaton sa korte mao ang pagpa-deport kang Cho ngadto sa
- Latest
- Trending
