Appointment ni Oaminal gihangop
Gihangop ni Cebu City Councilor Augustus Pe ang pagkatudlo ni Attorney Clarence Paul Oaminal isip Acting Vice-Chairman sa Dangerous Drugs Board (DDB).
Apan dili motuo ang konsehal sa pangagpas sa gobiyerno nga mahimong drug free ang Pilipinas sa 2010.
Ang konsehal nga mao usab ang co-chairman sa Cebu City Anti-Drug Abuse Council (CADAC) labaw'ng nihangop sa mga saad ni Oaminal.
Ang bag-ong DDB Vice Chairman nisaad nga ang unang battleground niini batok sa ginadiling drugas mao mismo ang Sugbu.
Dugang niini nagplano usab si Oaminal pagmugna og family drug abuse prevention program ingon man sa
“Kanang saad dali man na himoon pero ang pagbuhat ana labihan gyud nga lisora, dili ko motoo nga ma-drug free pa ang Pilipinas,” sumala ni Pe.
“Wala man gani ma-drug-free ang Estados Unidos nga husto sila sa resources, halos tanan naa na nila, kita pa ‘nuon,” dugang pamahayag sa konsehal.
Malaumon hinoon si Pe nga pinaagi sa tinuoray ug hinugtanay nga kampanya sa kagamhanan, maminusan ug makontrolar ang maong problema.
- Latest
- Trending
