40 illegal structures sa Pier, Mabolo gub-on
Mokapin sa 40 ka mga illegal structures ang gitakdang i-demolish karong semanaha sa pipila ka mga dapit sa dakbayan sa Sugbu.
Kini maoy gibutyag sa hepe sa Squatters Prevention Encroachment and Elimination Division (SPEED) nga si Vicente Mercado ug sa Urban Poor Consultant sa City Hall nga si Gerry Marquez.
Matud ni Mercado nga moabot sa 20 ka estraktura nga anaa mahimutang sa dalan Urot diha sa barangay Mabolo ang ilang i-demolish sa mosunod nga mga adlaw.
Kini tungod kay ang mga illegal structures giingong nilapas na sa karsada ug nakahasol dili lang sa mga motorista lakip na sa pedestrians.
Nagkanayon si Mercado nga napadalhan na og notisya niadtong miaging semana ang apektadong mga tag-iya sa panggub-on nga mga estraktura.
Tungod niini niingon ang hepe sa SPEED nga wala nay rason nga pugngan niini ang demolisyon sa mga estraktura nga wala lang himoa nga tindahan gihimo usab nga pinuy-anan.
Sa pikas bahin gitakda usab niining semanaha ang pag-demolish sa kapin sa 20 ka illegal structures ug upat ka ticketing office diha sa Pier 3.
Partikular nga mga estraktura nga panggub-on mao ang gipanag-iya sa mga sakop sa Pier 3 Cebu Port Vendors Association.
Gitataw hinoon ni Marquez nga ang maapektahan sa demolisyon hatagan og relocation site diha sa eskina sa mga dalan V. Sotto ug
Matud ni Marquez nga ang konseho sa barangay Tinago mao mismo ang nireklamo sa mga vendors pinaagi sa pagpasar niini og
Ang maong resolusyon naghangyo kang Mayor Tomas Osmeña nga ipahigayon ang clearing operation sa maong dapit aron mahawanan ang maong lugar.
Niingon ang Urban Poor Consultant nga siya nihimo na og sunod-sunod nga konsultasyon ngadto sa maapektahan sa demolisyon.
Sumala ni Marquez nga ang SPEED mao gihapon ang tahasan sa pagpangguba sa mga illegal structures diha sa nahisgutang dapit.
- Latest
- Trending
