Karnaper nadakpan

Gidimalas ang usa ka suspetsadong carnapper dihang naapsan kini sa tag-iya sa motorsiklong iyang gikawat kagahapon.

Ang nagtingkagol na karon sa prisohan sa kapolisan sa Basak Police Station sa dakbayan sa Mandaue mao si Rogelio Gica Toledo Jr., 38, minyo, taga sitio Talamban sa dakbayan sa Sugbo.

Ang nakadakop kaniya mao si Gerome Diano  Jr., 26,  nga anak ni Felipe Diano nga maoy  tag-iya sa gidagit nga motorsiklo.

Sumala ni SPO2 Roberto Aparicio sa Presinto 3 sa Basak Police Station nga samtang giparking ni Diano ang iyang motorsiklo sa sulod sa ilang compound sa sitio Tambuli, barangay Tabok dakbayan sa Mandaue,  kalit lang kining gidagit sa suspetsado ug gipabulhot og padagan paingon sa dakbayan sa Sugbo.

Gigukod dayon kini ni Jr. Diano ug naapsan  kini didto sa Carreta, Cebu City ug dihadiha gisikop kini.

Gidala  ni Jr. Diano pagbalik ngadto sa Presingto 3 sa Basak Police Station ang suspetsado diin tua siya karon ibalhog samtang gisang-at na ang tukmang kaso batok kaniya.