Patay na nga napalgan sa iyang kauban kining usa ka trabahante sa konstruksyon didto sa trabahoan niini sa Tigbao, Talamban ning dakbayan, sa miaging hapon.
Ang namatay giila sa kapolisan nga si Lucio Barbarona, 38, lumad nga taga barangay Candavin, Maribojoc Bohol, ug stay-in worker sa iyang trabahoan sa Talamban.
Si Barbarona nakit-an sa ilang supervisor nga si Gemma Biling nga wala nay kinabuhi nga nagbuy-od sulod sa higdaan niini sa bankhouse.
Ang namatay gikatahong nanimaho na dihang gihiling sa kapolisan ang patay’ng lawas niini.
May pagduda ang ubang nakasaksi niini nga giurom ang maong biktima.