300 Brgy Disaster Brigades motapos karon
Mokabat sa 300 ka mga volunteers gikan sa tulo ka mga barangay sa dakbayan sa Sugbu ang gipaubos og tulo ka adlaw nga training-seminar isip mga sakop sa Barangay Disaster Brigade nga motapos karong hapon.
Kini gipasiugdahan sa kagamhanan sa dakbayan sa tuyo nga dunay daling makatubag sa matag barangay panahon sa katalagman diha sa barangay Capitol Site, Busay ug Banilad nga diha gibansay-bansay sa
Ang mga volunteers gibansay sa mga personnel gikan sa PAGASA, ERUF ug sa kabumberuhan sa dakbayan kabahin first aid, fire fighting, logistics, transportation ug evacuation, security ug crowd control.
Ang chairman sa Cebu City Disaster Coordinating Council nga si Konsehal Gerardo Carillo miingon nga dugang mga volunteers ang ilang ipaubos sa training-seminar.
Dunay tagsa ka gatos ka mga volunteer sa matag barangay nga ipaubos sa kagamhanan sa dakbayan sa nahisgutang training-seminar.
Miingon si Carillo nga sa kasamtangan, mokapin na sa tres mil ka mga volunteers gikan sa 32 ka mga barangay sa siyudad ang napaubos niini.
Gawas sa mga volunteers gikan sa kabarangayan, laing mga volunteers usab nga mga kawani sa City Hall ang ipaubos sa laing training seminar.
Kini unya ang molangkob sa City Hall Emergency Action Team (CT HEAT) nga mao usab ang unang motubag kung dunay motumaw nga emerhensya diha sa City Hall.
- Latest
- Trending
