Arestado ang usa ka 16-anyos nga batan-on sa mga sakop sa San Nicholas Police Station tungod sa paghupot og ‘pillbox’ nga usa ka matang sa eksplosibo samtang naglakaw pasado ala-una kagahapon sa kaadlawon diha sa Espelita St., barangay Pahina San Nicholas.
Ang gidakop residente diha sa Tres de Abril barangay San Nicholas Proper, nadakpan sa grupo ni Sr. Inspector Patrocinio Abesia nga niadtong tungura nagpatrolya sa maong lugar.
Ang duha ka mga botelyang giporma og pillboxes gikatahong may sulod nga mga tingga, pulbura ug bolitas nga kung pabuthon siguradong makaangol o ba kaha makapatay og tawo.
Nagduda ang kapolisan nga sakop sa usa ka gang ang suspek ug kasamtangan na nilang giimbestigar sa pagkakaron.
Karong adlawa kasong kalapasan ang ilang ipasaka diha sa piskaliya gumikan sa paghupot og mga eksplosibo.