Bugas mibarato

Padayon karong mikunhod ang presyo sa bugas humay ug mais dinhi sa Sugbu ilabi na sa Carbon Public Market.

Kini maoy gibutyag ni Erwin Goc-ong, ang bise presidente sa Grains Retailers Confederation of the Philippines (Grecom) sa amihanang distrito sa siyudad.

Nagtuo si Goc-ong nga moubos pa ang presyo sa bugas tungod usab sa pagpabaha sa National Food  Authority (NFA) rice sa kamerkaduhan sa dakbayan.

Gipadayag ni Goc-ong nga pipila na lang ka variety sa commercial rice nga gipabaligya sa kamerkaduhan ang nagpabiling taas ang presyo.

Ang tigpamaba sa NFA-7 nga si Edgar Diez nagtuo usab nga padayon nang mous-os ang presyo sa bugas tungod sa ilang gipabaha nga mga imported rice.

Kini sama sa Thailand ug Vietnam rice nga anaa na karon sa nagkadaiyang retail outlets, Tindahan ni Gloria, Bigasan ni Gloria sa Palengke ug uban pa.