Ex-convict nag-rambo, nagdala'g airsoft, namahad sa kapitan, tanod
Ex-convict nag-rambo kagahapon sa buntag ug nasikop sa mga barangay tanod sa barangay Quiot human nanion sa mga tawo sa iyang gidala nga airsoft nga baby armalite.
Ang gibalhog sa karsel sa Pardo Police Station giila sa kapolisan nga si Glenn Arnejo, 34, alias “Jong” taga sitio Mayupay sa nahisgutang barangay nga niadto lang miaging semana nakagawas sa Muntinlupa.
Si SPO4 Edgar Abangan sa Pardo Police Station nga gikahinabi sa Banat News nagkanayon nga kagahapon sa alas 8 sa buntag nagkaguliyang ang mga tawo sa nahisgutang lugar human si Arnejo nagdala-dala sa iyang baby armalite.
Apan nianang pagka-alas
“Duha to ka concerned citizen ang nanawag pagka buntag sayo kay ang ex-convict nga si Arnejo nagsige’g punting-punting kanila sa gidala niining armalite dihang nagpa-atbang kanila,” si SPO4 Abangan nagkanayon.
Sa kahadlok sa suspetsado kay gikan kini sa Muntinlupa nangayog panabang sa kapolisan diin miresponde usab ang ubang unit sama sa Swat Team.
Dihang gisuhid ang lugar wala kini makit-i apan nianang pagka-udto nakit-an sa pagbalik nga nagdala gihapon sa armas hinungdan nga gisignit sa mga barangay tanod.
Apan sa dihang gidala sa Pardo Police Station nasuta nga ang armas nga baby armalite
Kasong grave threat tungod sa bahad niining patyon ang kapitan ug mga tanod samtang kalapasan sa City Ordinance sa pagdili sa pagdaladalag replica sa armas.
Si Ricardo Primacio Sr. assistant chief barangay tanod sa nahisgutang lugar mikonpirmar sa Banat News nga dunay mipahibalo kanila nga si Arnejo nangita nilang mga tanod ingon man kang Kapitan Vicente “Jun” Ramos aron patyon.
Gitug-an niini nga sila maoy hinungdan sa pagkasikop ni Arnejo sa kasong highway robbery niini niadtong 2005. Gawas sa maong kaso nalambigit usab kini sa tulo ka pagpamatay niadtong 2000.
- Latest
- Trending
