Giaprobahan na sa Securities and Exchange Commission ang tinguha sa Legacy Consolidated Plans, Inc. pagpalapad pag-ayo sa iyang operasyon ug serbisyo diha sa natad sa educational ug pension plans.
Kini human ang SEC mi aprob na sa pagpalit sa Legacy Consolidated Plans, Inc. sa laing pre-need portfolio nga mao ang Danvil Plans, Inc. kaniadto nahimong inila kini nga Berkley Plans/Family First, lain nga pre-need nga kompaniya nga nahimong inila sa iyang marketing innovation.
Ang Legacy Plans nahimo usab nga inila gumikan sa iyang orihinal nga gitanyag nga produkto nga nakapalig-on sa ilang abilidad pagseguro sa mga kustomer nga “least-risk but great return” nga sitwasyon.
Ubos sa transfer agreement, ang Legacy maoy muasumir sa servicing og tanang educational ug pension plans nga gi-isyu sa Berkley Plans.
Samtang ang pagbalhin usab niini naglakip sa Berkley Plans Trust Fund nga mukapin sa P3.6 bilyones (ang kataposan nga talaan niadto pa nga Hunyo 30, 2008).
Gumikan sa pagpalit sa Legacy Plans sa Berkley Plans, ang Legacy sa pagka karon aduna nay Trust Fund nga mukapin sa P4.06 bilyones,ug niini ang 83.9 porsiyento kon P3.408 bilyones maoy cash kon cash equivalent, sama sa government securities ug and 16.1 porsiyento kon P0.658 bilyones maoy equities ug uban pa usab nga investments.
Gumikan niini nga kalambuan human ang SEC muhatag pagtugot sa expansion sa Legacy kini makapalig-on pag-ayo sa kapabilidad niini paghatag og serbisyo sa mga planholders, ingon man usab sa mga planholders nga iya sa Danvil Plans, Inc. (PR)