Biktima ni Frank tabangan – NDCC
National Disaster Coordinating Council kon NDCC mohatag og hinabang financial ngadto sa mga nangamatay ug samaran sa milabay’ng bagyong Frank.
Kini ang giluwatang pamahayag ni Niel Sanchez ang Operations Officer sa Office of Civil Defense atol sa press conference nga gipatawag sa Public Information Agency o PIA kagahapon sa buntag.
Matod pa ni Sanchez nga andam na ang gahin alang sa paghatag og P10 mil ngadto sa mga nangamatay atol sa bagyong “Frank” ug P5 mil usab ngadto sa mga samaran.
Lakip sa makadawat sa maong hinabang mao ang mga biktima sa natural ug man made calamity diin adunay nakalas ug nasamdan.
Dugang pa ni Sanchez nga nagpaabot nalang sila sa guidelines sa pagpagawas niini sanglit ang budget anaa na sa ilang buhatan sa NDCC.
Matud pa ni Sanchez sa milabay’ng semana aduna na silay nahatagan og hinabang financial sa usa ka biktima sa baha sa lungsod sa Minglanilla human kini maanod ug nakalas.
Kung moabot na ang guidelines niini ila gyud dayon kining ipahibalo sa mga pamilya sa mga nabiktima sa kalamidad dinhi sa Sugbu.
- Latest
- Trending
