Preparado na ang kapulisan sa dakbayan sa Sugbu sa umaabot nga Annual General Inspection (AGI) karong sunod semana.
Ang Deputy Director for Administration sa Cebu City Police Office Sr. Supt. Pablo Labra II nagkanayon sa Banat News nga preparado na kaayo sila alang ning maong kalihukan nga hayan ipahigayon karong petsa 9 ngadto sa 11 ning buwana.
Si Labra kinsa maoy nangunay sa Pre-Operational Readiness Security Inspection Test and Evaluation miklaro nga gipangandaman gyud nila ang AGI bisan kun wa pay insaktong adlaw nga ipahigayon.
Tuyo nila sa CCPO nga makuha ang number one spot sa ranking atol sa inspection sa taga Camp Crame.
Atol sa maong pagbansay-bansay nadasmagan diha atubangan sa Camp Sotero Cabahug ang Car 009 sa MPG gimaneho ni PO1 Renato Noval samtang ang nakadasmag mao ang naghaguros nga motorsiklo GU-7717 gimaneho ni Ruelito Limpag taga Sabres, Mactan dakbayan sa Lapulapu.
Si SPO2 Apollo Machacon, traffic investigator mitug-an sa Banat News dili kaayo dako ang nadaot sa tuong bahin sa atubangan sa patrol car.