Mga balay sa Sugbu Homes demolison
Kapin sa
Kini tungod kay giingong ilegal nga gitukod ang maong mga panimalay sa bakanting luna sa Sugbu Homes base usab sa subdivision plan data.
Partikular nga ipa-demolish mao ang mga sakop sa lot 1321 Homeowners Association ug Veterans Drive Homeowners Association.
Hinuon sa 136 ka household members sa duha ka asosasyon nga giingong ilegal nga mitukod og mga panimalay, 97 lang niini ang unang ipaguba.
Ang rekomendasyon sa Local Housing Board gipahaum usab sa imbistigasyon ug rekomendasyon sa Department for the Welfare of the Urban Poor (DWUP).
Nadawat na sa Squatters Prevention Encroachment and Elimination Division (SPEED) ang demolition order nga gipirmahan ni Mayor Tomas Osmeña.
Matud sa hepe sa SPEED nga si Vicente Mercado, ila gilayong padalhan og notisya ang tag-iya sa mga panimalay nga ilang i-demolish.
Sa susamang kalambuan, laing 15 usab ka illegal structures diha sa barangay Talamban ug Bacayan ang pangbungkagon sa SPEED.
Nagkanayon si Mercado nga ila nang nadawat ang demolition order alang niini, ug ila na usab nga padalhan og notisya ang mga hingtungdan.
Samtang gisugdan na sa SPEED kagahapong adlawa ang pag-demolish sa kapin sa 20 ka mga panimalay sa dalan F. Rallos diha sa barangay Pasil ug Suba.
- Latest
- Trending
