Mastermind sa Sison-slay gukdon
Bisan pa man duna nay nadakpang suspek sa pagpusil patay sa abogadong si Atty. Richard William Sison nga
Matud pang Comendador bisan sa mga mitumaw nga pagduda kung si Nemuel Sumabong ba gyud ang gunman, duna may tulo ka testigong mitumbok sa suspek nga mao gyud ang mipusil sa biktima.
Nigawas ang maong pagduda tungod sa kalayo ra sa kalainan sa cartographic sketch sa NBI ug sa gipagawas sa Cebu City Police Office nga cartographic sketch sa gunman ug ingon man sa dagway sa personal ni Sumabong.
Kabahin sa pagkatawo ni Sumabong, si Comendador nagkanayon nga wala silay nakita niining kriminal record diha sa ilang buhatan ug midumili usab kini paghatag og assessment sa pagkatawo niini gumikan kay wala sukad masukad motumaw sa ilang imbestigasyon ang pangalan niini.
Matud pang Comendador ang NBI susama kanila nihimo og parallel investigation.
“We didn’t come across his name (Sumabong), wala siya mo-crop up sa among investigation but in fairness to the NBI maybe they have their own information about him,” asoy pang Comendador.
Mipadayag hinuon si Comendador nga suportahan nila ang kaso batok kang Sumabong nga gisang-at sa NBI ug kung unsa may pagduda sa kalambigitan niini ang korte nalang maoy modesisyon niini.
“The case is solve in so far as the gunman is concern but it is not yet close because there is an accomplice and the possible mastermind yet to be identified,” asoy pang Comendador.
Matud pang Comendador ilang subayon ang koneksyon ni Sumabong sa mosunod pa unyang mga suspek kung ilang madakpan tungod kay dako ang iyang pagtuong posibleng ang mga “nitrabaho” kang Sison wala usab makaila kung si kinsa ang nisugong ipapatay ang biktima.
Nagtuo si Comendador nga dunay middleman nga mikontrata sa mga gunman nga gisuhulan usab sa mastermind, kini aron dili madali pagtultol sa mga imbestigador kung kinsay nisugo kanila.
Mipadayag usab si Comendador sa kaandam sa pagpagawas unya sa resulta sa ilang kaugalingong imbestigasyon kung mahitabo nga dunay laing suspek ug dili si Sumabong ang gunman.
“We’ll cross the bridge on that,” asoy pang Comendador apan midumili na paghatag og dugang pamahayag kabahin niini.
Mikuha na usab og dugang ballistician ang CCPO gikan sa Dumaguete Crime Laboratory aron makatabang sa pag-eksamin sa mga basiyo ug slugs nga nakuha diha sa crime scene.
- Latest
- Trending
