Usa ka 41 anyos nga giingong tiggamitan og rugby ang napalgang patay sa sulod sa ilang panimalay niadtong Miyerkules sa hapon diha sa A. Lopez St. sa sitio Alco barangay Labangon.
Ang namatay giila sa kapulisan nga si Joel Ricaña Miñosa nga nakit-an sa iyang mga kabanay nga wala nay kinabuhi nga nagbuy-od sa ilang panimalay.
Sa imbestigasyon sa Homicide Section walay mga bun-og nga nakita sa patay’ng lawas niini ug kini nagsugod na og pagka-dugta.
Dugang nakuhang impormasyon sa kapulisan nga ang namatay katapusan kining nakit-ang buhi niadto pang alas 10:00 sa gabii niadtong Martes nga nagpalit og ice water sa usa ka tindahan dili layo sa ilang panimalay.
Gikataho nga ang namatay nagumon paggamit og rugby sumala pa sa kapolisan.