Nagpabilin pa gihapong blangko ang kapolisan sa pag-ila sa mamumuno sa usa ka habal-habal drayber sa dakbayan sa Danao nga gipatay sa miaging semana sa barangay Canamocan, lungsod sa Compostela.
Kini ang nasayran kang PO1 Erwin Balverde, imbestigador sa kapolisan sa maong lungsod nga nahinabi sa Banat News sa follow-up nga gihimo kagahapon.
Matud pa niya nga si Mark Niel Sabaton Remegio, 23 anyos, ulitawo nga taga Cogon Cruz sa dakbayan sa Danao ang gipatay sa wala pa mailhing mamumuno samtang nagluwan kini sa habal-habal nga iyang pamasaheroan sa maong dapit.
Dugang pa niya pipila ka mga anggulo karon ang ilang gisubay sa pagpatay sa biktima nga naglakip na niini ang kalambigitan sa fraternity ug personal nga kasuko sa mamumuno niini.
Si PO1 Balverde miingon si Inspector Vicente Velasquez, hepe sa kapolisan sa maong lungsod nagmando na sa paghingusog sa ilang pagahimuong pakisusi alang sa pag-ila sa mamumuno niini.