Babayeng gipusil sa agtang patay

Usa ka babayeng dunay pinusilan sa agtang napalgan nga wala nay kinabuhi sa gawas nga bahin sa Innodata Corp. sa barangay Subangdaku, Mandaue sa miaging kaadlawon.

Ang maong babaye nailhan nga si Ira Baga Bagood, 29, dalaga, nga taga Subangdaku.

Ang inahan nga si Anita Bagood, 58, maoy miila sa iyang anak nga si Ira.

Si PO3 Jack Rivera sa Subangdaku Police Station miingon nga ang guwardiya nga si Melchore Masayon ang nakakita sa patay’ng lawas ni Bagood.

Matud pa ni PO3 Rivera nga nakabati og boto sa armas si Masayon, apan nakit-an na niya si Bagood nga nagbuy-od nga wala nay kinabuhi sa dihang iyang gisusi.

Nakaplagan duol sa lawas ni Bagood ang kabhang sa kalibre .45.

Nagtuo ang kapolisan nga gitulis si Bagood sa wala pa kini patya.