Retiradong Air Force gikasuhan na
Lig-on ang mga kasong gipasaka sa kapolisan batok sa retiradong sundalong mipusil patay sa iyang ugangan ug bayaw diha sa dalan Dagohoy sa barangay Apas niadtong milabay’ng semana.
Si Sr. Supt. Patrocinio Comendador director sa Cebu City Police Office mitug-an sa mga tigbalita kagahapon nga kasong two counts of murder ug two counts of frustrated murders ang ilang isang-at batok kang Nestor Bugarin.
Si Bugarin
Si Telesfora asawa sa gipatay nga si Cristito Pontanar,72, pormal ng misang-at og kaso batok sa suspek nga bana sa iyang anak nga si Anecita tungod sa pagpusil patay sa bana niini ug sa iyang anak nga si Esmeraldo.
Samtang naangol usab sa maong insidente ang asawa ni Esmeraldo nga si Maria Glen ug ang 13-anyos nga anak nilang si Paulo.
“Identified siya, kumpleto sad ang atong mga ebidensya backup with corroborative evidences and statements of the witnesses. We have a very strong evidence against him,” asoy pang Comendador.
Sa pagkakaron ang CCPO nagpatabang na sa CentCom sa pagpangita kang Bugarin human sila makadawat og report nga naa kini magtago sulod sa maong kampo ug gituuhang dunay mga kanhi kauban niini ang mitabang kaniya.
Si Comendador nagkanayon nga kung dili nila madakpan ug makagawas gyud dinhi sa Sugbu ang suspek ila nalang paabuton nga mogawas ang warrant of arrest aron kini sikupon.
Samtang tungod sa kahadlok sa banay’ng Pontanar duna nay gibutang nga polis ang Mabolo police station diha sa ilang panimalay ug ingon man sa dapit diin gihaya ang duha.
- Latest
- Trending
