Ex-kagawad gipusil sa dispatser sa pier
Nakabsan sa kinabuhi sulod sa tambalanan kagahapon sa buntag ang kanhi kagawad human gipusil niadtong Domingo sa alas
Si Aquilino Licayen, 67, kanhi kagawad sa
Nailhan ang nagpusil kang Licayen nga si Randy Bacon, 28, taga barangay Labogon, Mandaue nga dispatser sa mga PUJ ug naninda og otap sa pantalan.
Sa imbestigasyon ni SPO4 Alex Dacua sa Homicide Section, nasayran nga ang kanhi kagawad naglakaw uban sa anak nga si Kagawad Ronald Licayen ug asawa nga si Constancia aron mangita og taxi.
Ang gidudahang mamumuno nga si Bacon kalit lang mibutho dayong pusil sa kanhi kagawad dayong sibat, apan nasikop nila ni PO1 Ruben Perater ug PO1 Joel Rosales sa Mabolo Police Station.
Si Constancia miasoy sa mga imbestigador nga naabot sila sa Pier 6 gikan sa Manila niadtong higayona sa dihang naglakaw lamang sila paingon sa S. Osmeña aron managinot og plete sa taxi paingon sa South Bus Terminal, pinaagi sa paglikay sa mga taxi nga nag-estambay duol sa gidunggoan sa barko nga maningil og pakyaw.
Nadunggan ni Constancia nga nangasaba sa taxi nga ila untang sakyan pinaagi sa pag-ingon: “nganong nalapaw man ka? Kami man ang nakauna!”
Misunod ang sipa nga buto sa armas ug nakita sa mga Licayen nga nahagba na ang kanhi kagawad.
Si Constancia ug Ronald positibong miila kang Bacon nga maoy mipusil ni Aquilino.
Si Bacon sa iyang bahin mihimakak nga siyay mipatay sa kanhi kagawad ug nahibulong na lang siya nga gipik-ap siya sa mga polis.
- Latest
- Trending
