School supplies miusbaw: DTI-7
Dili lang ang pag-usbaw sa matrikula ang masinati sa mga tinun-an sa pagbukas sa klase karong Hunyo niining tuiga kun dili lakip na usab ang mga galamiton sa ilang pagtungha.
Si Atty. Josh Carol Ventura nga maoy trade and regulatory division chief sa Department of Trade and Industry (DTI) 7 sa iyang pamahayag miingon nga ang mga school supplies niining panahona ang nakasinati na og gamay nga pag-usbaw.
Kini maoy nasuta sa DTI-7 sa ilang monitoring sa mga presyo sa mga nag-unang palaliton nga gibaligya sa merkado ug uban pa nga mga dagkong department store dinhi sa rehiyon.
Dugang pa niya nga ang pipila nga nakasinati og mga pag-usbaw mao ang pad paper sa Grade V ug Grade VI nga kaniadto mokabat lamang sa P19 sa 2007 apan niining panahona ang gibaligya na og P21.75 kun adunay pag-usbaw nga P2.75.
Ang notebook nga nagbaton og 90 ka mga panid nga sa miaging tuig mapalit lamang og P13 ang matag buok niini karong panahona mapalit na kini sa P13.50 ang matag usa.
- Latest
- Trending
