Nagtingkagol sa karsel sa Criminal Investigation and Detection Group (CIDG-7) ang usa ka gipasanginlang tigpayuhot og ginadiling drogas diha sa sitio Timpolok barangay Babag dakbayan sa Lapulapu human makuhai og mga iligal nga drugas niadtong Miyerkules sa hapon.
Ang nasikop giila nga si Giovani Toring, human makuhai og shabu diha sa ilang balay subay sa search warrant nga gi-isyu ni Regional Trial Court Judge Ulrich Cañete.
Ang malampusong pagpang-ronda gipanguluhan ni Senior Inspector Richard Caballes sa CIDG uban sa mga sakop sa PDEA-7.
Ang akusado nakuhaan kini sa upat ka paketeng gituuhang shabu, tulo ka mga aluminum tin foil ug uban pang drug paraphernalia, tulo ka cellphone, ingon man kwartang P80,000 nga gituohang halin sa ginadiling drugas.