Day care workers taktakon kun...
Ubay-ubay nga mga Day Care Worker sa kabarangayan sa dakbayan sa Sugbo posibleng kawad-an unya sa ilang trabaho.
Kini kung tinud-on ni City Hall Education Consultant Joy Augustus Young ang iyang bahad pagtaktak sa mga Day Care Workers nga dili makapasar sa sunod tuig nga ranking.
Nasayran nga kapin sa 200 ka mga Day Care Workers sa siyudad ang gipaubos og eksaminasyon sa Cebu City Schools Division niadtong miaging buwan sa Pebrero.
Apan matud ni Young nga moabot sa 40 porsiyento sa maong gidaghanon ang nangahagbong ug wala makapasar sa nahisgutang pasulit.
Ang Education Consultant nakigtagbo na sa mga barangay officials sa siyudad ug gipahibawo sa resulta sa eksaminasyon ingon man sa iyang
Giklaro hinuon ni Young nga hatagan una og higayon ang nangahagbong nga mga Day Care Workers pag-improve sa ilang kaugalingon.
Apan gitataw sa Education Consultant nga kun kini dili gihapon makapasar sa sunod tuig nga ranking (eksaminasyon) tangtangon na ang maong mga Day Care Workers.
“Ang nangahagbong hatagan una nato og one year to improve and then next February kung mahagbong gihapon sila, ato nang pailisan,”sumala
ni Young.
Sa nasayran, ang mga Day Care Workers sa kabarangayan sa dakbayan magdawatan matag buwan og P2,500 nga honorarium, nga gikan sa panudlanan sa barangay ug sa siyudad.
- Latest
- Trending
