Kura mi-deny Pacquiao midonar minilyon

Mihimakak si Oslob parish priest Rev. Fr. Valentino Gemelo sa pasangil nga nakadawat siya'g minilyon nga tabang pinansyal gikan sa pambansang kamao Manny Pacquiao alang pagpatukod og balik sa naugdaw nga simbahan sa Oslob atol sa uwahing pagbisita sa boksingero dinhi sa Sugbo.

Giklaro sa pari nga wala siya'y nadawat nga hinabang gikan mismo kang Manny supak sa kontrobersiya nga nakadawat siya'g milyon ka pesos gikan sa pambansang kamao.

“I will clarify this, I have never received even a single centavo from Manny Pacquiao. I’ve never received it personally. The truth is, I have received nothing,” gitataw ni Fr. Gemelo atol sa paglusad sa concert nga buhaton sa UV Chorale isip  fund-raising project alang sa restoration sa simbahan sa Oslob.

 Buot sa pari nga wad-on ang pagduda sa mga tawo ilabi na sa mga Oslobanon may labot sa pasangil nga aduna siyay nadawat nga kwarta gikan kang Pacquiao kay kun ugaling tinuod nga nakadawat siya'g  hinabang gikan ni Pacquiao o ni bisan kinsa, iya gyud kining ipadapat alang sa pagtukod pagbalik sa nasunog nga simbahan sa lungsod nga iyang gialagaran. 

“Wa gyud tawn na, kaluoy sa Diyos, kung matinuod man, salamat sa Diyos,” dugang ni Gemelo.