Usa ka patay’ng lawas sa usa ka lalaki nakit-an nga naglutaw-lutaw sa kadagatan didto sa barangay Camoboan, lungsod sa Tabogon Cebu niadtong Biyernes sa alas 4:30 sa hapon.
Ang biktima giila sa kapolisan nga si Felix Subingsubing, Nuñez, 52, ulitawo, walay klarong trabaho ug molupyo sa barangay Labangon sakop sa maong lungsod.
Matud ni PO1 Eulogio Bughao sa Tabogon Police Station sa dihang nahinabi sa Banat News ang mga residente sa maong lugar maoy nakakita sa patay’ng lawas sa biktima nga gi-anod anod sa lapyahan sa dagat.
Gituohan nga naligo ang biktima sa maong lugar nga nag-inusara ug gituohan nga nalumos kini.
Subay sa gihimong pag-autopsy sa Rural Health Officer sa maong lungsod nga si Dr. Flordeliza Arrogante gideklarar niini nga nalumos gyud ang biktima ug walay foul play ang kamatayon niini.