Telebisyon i-ban sa mga police station––Alcoseba
Wala makombinser si Cebu City Councilor Raul Alcoseba sa kamandoan ni PNP Director General Avelino Razon Jr., ngadto sa kapolisan sa tibuok kapupud-an.
Ang heneral nimando sa tanan niyang mga sakop sa dili pagtan-aw og mga salida sa telebisyon sama sa mga telenovelas atol sa ilang duty.
Kini human usab makadawat og mga taho si Razon nga pasagdan lang sa ubang polis ang madawat nga reklamo sa ilang presento kay dili magpabalda sa ilang gitan-aw nga salida sa telebisyon.
Apan alang kang konsehal Alcoseba, lugak ra ang kamandoan sa heneral tungod kay giingong dili mapugngan ang pagpasalida sa TV kung kini anaa pa sa
“Sa ingon ana nga paagi, dili na gyud makatan-aw pa og TV ang mga polis kay kung ikaw nagsunod og teleserye, matental man gyud ka pagtan-aw bisan kung gidid-an,” sumala ni Alcoseba.
Nasayran sa Banat News nga halos ang tanang police station sa dakbayan dunay tagsa-tagsa ka television set diin cable TV pa ang uban niini.
Nakaobserbar usab si Alcoseba nga magyampungad ang mga polis atubangan sa TV set ilabi na kung dunay nindot nga salida sama sa boksing ug basketball.
“Kinsa may mobadlong ana sa mga polis nga motan-aw og salida sa telebisyon nga sila gibutangan man ana sa ilang atubangan,” dugang pamahayag ni Alcoseba.
Kini gihulagway sa konsehal nga nakahatag og dili maayong epekto sa pagserbisyo sa kapolisan ilabi na sa pagtubag og bisan unsang alarma.
Wala i-ban ni Razon ang telebisyon diha sa mga police station tungod kay giingong gikinahanglan usab sa kapolisan ang lab-as nga mga kasayoran may kalabutan sa ilang trabaho.
Apan alang kang konsehal Alcoseba, mas epektibo ang resulta sa kamandoan sa heneral kung hingpit niining idili ang TV set diha sa mga police station.
Nidugang ang konsehal nga makakita lang gihapon og mga salida sa TV ang mga polis kung sila off-duty, apan wala kinahanglana nga adto mutan-aw sa ilang police station.
- Latest
- Trending
