Mga notadong kawatan gipatay
Duha ka managsilingan nga nailang notadong mga kawatan sa ilang lugar ang gipangbuk-an sa ilang ulo sa wala mailhing mamumuno kagahapon sa alas
Ang duha ka biktima giila sa kapolisan nga sila si Richard Quijano, 19-anyos, alias “Etat” kinsa nakaangkon og samad sa iyang ulo samtang tulo usab ka samad pinusilan sa iyang ulo ang naangkon ni Ken Laresma, 18, pulos walay mga trabaho ug residente sa Spolarium St., barangay Duljo-Fatima Proper.
Ang mga sakop sa Mobile Patrol Group nga gipanguluhan ni Police Chief Inspector Arnel Banzon ingon man mga barangay tanod sa Duljo-Fatima ang ni-responde apan wa na maabti pa ang suspetsado.
Sa imbestigasyon nila ni SPO1 Rogelio Nedamo sa homicide section sa Cebu City Police Office ang mga patay’ng lawas sa biktima nakit-an nalang nga nagbuy-od daplin sa dalan sa nahisgutang lugar.
Dugang impormasyon nga ilang nakuha didto sa crime scene ang mga biktima nagdungan pa kini og singgit og “ayaw bay” dayon gisundan sa sunod-sunod nga buto-buto sa armas.
Ang mga patay'ng lawas sa biktima tua na karon sa
Samtang sa iyang bahin, si Cebu City Police Office chief Patrocinio Comendador nikompirmar nga si Quijano adunay standing warrant sa kasong robbery ingon man si Laresma nga adunay kasong pagpangawat.
Matud pa niini nga ilado ang duha sa maong lugar gumikan sa mga kasong pagpangawat ingon man tulis apan nagtuo siya nga ang pagpamusil dako ang posibilidad nga adunay kalambigitan sa ginadiling drugas.
- Latest
- Trending
