Nag-away tungod sa NFA rice
Sa ka nihit ug kamahal sa bugas karon ang mga kabus ang mag-antos og linya aron lang makapalit og baratong bugas sa National Food Authority (NFA).
Apan kinahanglan unang ipalista ang ngalan sa mga mopalit og NFA rice ug adunay gisangonan nga molista niini kada barangay aron dili magkasamok.
Niining bag-o lang sa Barangay San Roque, dakbayan sa Talisay
Ang maong insidente nahitabo niadtong Huwebes sa buntag apan pagka-Sabado lang kini gikataho sa biktima ngadto sa mga polis.
Si Onadita Rebamonte 44, residente sa maong lugar, katipon ni Jerry Lawan, 45, ang nagpa-blotter diha sa police station sa barangay Poblacion.
Base sa imbestigasyon sa mga polis nga si Juditha Lawan, 47, residente usab sa maong lugar, bayaw ni Jerry ang misulong diha sa ilang balay ug namasangil kini nga gipapas ni Onadita ang iyang pangalan gikan sa listahan sa mga makapalit og bugas nga NFA.
Si Jerry ang misalga sa duha ka babaye ug mipasabot sa palisiya sa NFA apan si Juditha ang giingong nasuko ug gisukmag niini si Jerry ug maayong pagkatuto sa baba sa biktima.
Si Jerry kinsa nakalitan ug nasakitan ang mibawos usab sa pagsukmag ngadto kang Juditha ug mihuboy usab ang walang nawong niini.
Si Juditha kinsa giingong misamot sa pagpangisog ug nag-wild na sulod sa balay ni Jerry ang giawhag ni Onadita nga mobiya na aron dili mosamot ang kasamok apan giingong gihagit na hinoon ni Juditha kinsa naggunit og kahoy si Onadita ug nagkanayon kini nga “dali diri kay patyon tika”.
Si Juditha giapas sa iyang bana ug gibunlot kini aron mopauli apan ang suspetsado mideretso diha sa ilang barangay hall ug mitaho kabahin sa insidente.
Sila si Lorenzo Constantino ug Marcelo Indino mga tanod sa maong barangay ang mitubag sa alarma ug gidala sa duha si Jerry diha sa barangay hall aron husayon ang panag-away niini ug sa iyang bayaw.
Apan matud ni Jerry nga wala sila husaya ni Juditha sa mga opisyal sa ilang barangay ug gideretso siya og dala sa mga tanod diha sa police station sa barangay Poblacion.
- Latest
- Trending
