Nabulit sa nagkadaiyang samad dinunggaban sa lawas ang usa ka electrician ug patay na naabtan sa mga ni-responding pulis human gitabangag dunggab kagahapon sa alas 12:20 sa kaadlawon diha sa Palma St., barangay San Roque ning dakbayan.
Ang namatay giila sa kapulisan nga si Frederico Teves, 42, alias “Boboy” residente sa Upper Lagtang, dakbayan sa Talisay human kini gikatahong gitabangan sa tulo ka wala mailhing mga suspetsado.
Sa imbestigasyon nila SPO1 Rogelio Nedamo sa Homicide Section sa Cebu City Police Office ang biktima nakit-an nalang daplin sa dalan nga nagtakilid ug nakadugo nga adunay samad dinunggaban.
Ang mga suspetsado daling nisibat palayo ug gibiyaan ang biktima daplin sa dalan.