Mikonhud ang crime volume sa siyudad sa first quarter niining tuiga kompara sa miaging tuig base sa bag-o lang gipagawas nga statistics sa Cebu City Police Office.
Sa first quarter report sa CCPO karong tuiga miubos og 35 porsiyento ang tibuok crime volume sa dakbayan, apan bisan sa pag-ubos niini ang kaso sa murder nagpabilin nga misaka og 46%.
Ang kinatibuk-ang index crime nga naglambigit sa rape, theft, robbery, murder, homicide ug physical injuries mikunhod usab og 42%.Samtang ang kinatibuk-ang porsiyento sa non-index crime mikunhod usab og 20%.
Si Sr. Supt. Comendador mi-endorsar og bag-ong sistema sa pagtubag sa mga alarma, aron mapalig-on pa ang kampanya batok krimen.
Kining bag-ong sistema mao ang Automobile Blotter System, diin kini ipatuman sa Mobile Police Group diin sila na mismo ang mo-blotter sa girespondehan.
Ning paagiha, di na mahasol ang mga biktima pag-adto sa mga police stations aron moreklamo.