7 ka mananagat nasikop sa Oslob

Pito ka mga mananagat luwan sa duha ka pumpboat  gidakop sa mga sakop sa Bantay Dagat ug kapolisan tungod sa pagpahigayon niini og ilegal nga pagpangisda didto sa kadagatan sa barangay Alo, lungsod sa Oslob.

Nadakpan ang maong mga mananagat sa akto nga mipahigayon og ilegal nga pagpangisda niadtong Sabado sa alas 10  sa gabii apan gibuhi-an niadtong Lunes sa alas 10:00 sa buntag human mibayad og P7,000  nga multa sa Municipal Treasurer's Office.

Giila ni SPO4 Isagani Tinapay sa Oslob Police Station ang mga dinakpan nga naglangkob sa boat captain nga si Jonathan Mondoc Torefil, 26,  minyo taga Talibon, Bohol.

Apil na niini ang unom ka mga fish workers nga sila si Jerome Ngujo, 24,    Efren Ramos, 34, Antonio Autentico,18,  Reynaldo Palma, 18,  Josmar Autentico, 18, ulitawo pulos taga Talibon, Bohol ug Eugene Bonbon, 22,  taga San Fernando dinhi sa Sugbo.

Matud ni SPO4 Tinapay lakip sa nasakmit nila gikan sa posesyon sa mga dinakpan ang duha ka motorize pumpboat  ug pukot niining gigamit sa pagpanagat ingon man mga isda nga gitawag og balo nga motimbang og sobra sa 10 kilos.