25-anyos gitabangan dunggab sa tiyo ug mga ig-agaw
Gitabangan og dunggab sa iyang mga ig-agaw ug uyoan ang usa ka batan-ong lalaki nga nanulong og away didto sa barangay Hilotongan, isla sa Bantayan niadtong Sabado sa alas 11 sa gabii.
Ang biktima giila sa kapolisan nga si Doroteo Forrosuelo, 25, minyo ug molupyo sa nahisgutang lugar.
Samtang ang gitumbok nga suspek mao ra usab ang iyang duha ka ig-agaw ug uyoan nga sila si Victoriano Apawan Sr., 47, minyo, ug duha ka anak niini nga sila si Vicmar Apawan, 21, ulitawo ug Victoriano Jr., 19, pulos molupyo sa nahisgutang lugar.
Matud sa hepe sa Bantayan Police Station SPO4 Melquiedes Seares Jr., sa dihang nahinabi sa
Human sa ilang away mipauli si Vicmar samtang nakig-inom og tiwas sa iyang mga barkada si Forrosuelo apan paglabay sa pipila ka oras nagpauban sa iyang mga barkada nga nanulong sa pinuy-anan sa suspek.
Matud ni SPO4 Seares nahitabo gyud ang karambola tali sa amahan ug anak nga suspek batok sa biktima ug sa mga gidala niining barkada ug nakaangkon og samad dinunggaban ang biktima dapit sa iyang ilok sa wala nga bahin ug ulo.
Daling gidala sa tambalanan ang biktima ug luwas na sa peligro samtang sa pagresponde sa kapolisan nasikop niini ang tulo ka suspek ug nagtingkagol na karon sa detention cell sa maong lungsod.
Matud ni SPO4 Seares giangkon hinuon ni Vicmar nga siya maoy nakadunggab sa biktima dihang nahitabo ang ilang karambola.
- Latest
- Trending
