Kabalayan gilunopan
Siyam ka panimalay ang naunlod sa tubig baha kagahapon sa alas
Sa report sa Guadalupe Police Station 9 diin gipahigayon ang ocular inspection nila ni SPO3 Jaime Toring ug mga kaubanan, ang maong mga panimalay nalubong sa lapok gumikan sa pagbunok sa kusog nga ulan kagahapong adlawa gikan sa bukid.
Gikatahong ang maong lapok sa baha gikan kini sa gi-develop nga Monterrazas Subdivision.
Ang mga panimalay gipanag-iya nila ni Corazon Molyer, Virginia Goilet, Susana Magsayo, Ricarte Sabay, Avelina Montano, Paul Cuevas, Susa Cuevas, ug Michael Montano.
Si Kapitan Eugenio “Jingjing” Faelnar sa Guadalupe miduaw sa maong lugar uban ni Atty. Dindo Perez ug ang mga kawani sa Monterraza’s Subdivision nga mihatag og tag P3 mil nga cash assistance sa mga tag-iya sa siyam ka panimalay nga naapektuhan.
Gipadayag usab niini nga ang Landco developer mipasalig nga ilang butangan og water retention ang maong dapit aron kun adunay kusog nga uwan dili mo-overflow ang tubig.
Gani atol sa iyang pagduaw kagahapon ang tubig baha motupong gyud kini sa tuhod sa tawo. Hinuon iyang gipadalhan na og bombero ang maong dapit alang sa paghaw-as sa tubig baha.
- Latest
- Trending
