Gambling machines gisakmit

Nasakmit sa mga sakop sa Criminal Investigation and Intelligence Branch (CIIB) ang unom ka mga moli-moli ug upat ka video Karera ingon man kagamitan niini atol sa gipahigayong saturation drive niadtong Miyerkules sa alas 11:00 sa gabii diha sa barangay Kamagayan ning dakbayan.

Ang hepe sa CIIB PSI George Ylanan ingon man sa mga sakop sa Special Weapon and Tactic (SWAT) ang nangulo sa pagkunpiskar niini.

Ang mga moli-moli ug karera gi-turnover na  sa kapolisan   ngadto sa   Cebu City Hall.

Samtang sa pikas nga bahin mokabat sa 365 ka litros nga krudo ang gikawat sulod mismo sa compound sa Smart Cell Site Tower diha sa may Carreta Cemetery niadtong Miyerkules sa buntag.

Si Teddy Servande ang representante sa maong kompaniya nitug-an sa mga imbestigador sa Theft and Robbery Section (TRS) nga wala mabantayi ang maong kawatan nga nakasulod sa compound ug gikuha ang krudo nga didto sa base tank.

Gidudahan niini nga posible nisulod ang maong kawatan nianang pagka-kadlawon niadtong Miyerkules.