Samaran ang usa ka sakop sa gang human kini pusila sa duha ka miyembro sa ribal nga gang sa sitio Vikan barangay Gun-ob dakbayan sa Lapulapu sa milabay'ng gabii.
Ang biktima mao si Sidney Mico Ymbong, 18 ug residente sa sitio Sangi barangay Pajo dakbayan sa Lapulapu.
Samtang ang mipusil sa biktima mao si James Junar Matias, 19 ug residente sa maong dapit ug lain pang wala mailhing kauban niini.
Base sa pasiunang imbestigasyon ni SPO2 Rolito Jumao-as sa Homicide section sa kapolisan sa Lapulapu nasuta samtang nag-inom ang grupo sa biktima kalit lang miduol si Matias ug gipusil si Ymbong.
Si Ymbong nga samaran sa iyang bukton ug hawak sa likod nga bahin gidali og dala sa Lapulapu District Hospital .