Namatay dihadiha ang usa ka giingong "bagis" sa barangay Apalan, lungsod sa Tuburan dihang giluthang sa wala hiilhing armadong tawo kagahapon sa kaadlawon.
Ang biktima giila nga si Lorenz Parilla, 21, way trabaho, taga sitio Langob, barangay Apalan.
Matud pa ni PO2 Noel Rodriguez sa Tuburan Police Station nga lima ka bala ang namatyan sa biktima nga mitusak sa iyang ulo, dughan, buko-buko, dapi-dapi ug tiyan.
Giasoy ni Rodriguez nga ang biktima gipasanginlang kusog kaayo mamaregla.
Matud pa ni Rodriguez nga kadaghan na sila makadawat og reklamo batok sa biktima, ug gani may arrest warrant kini sa kasong “physical injury” nga wala pa ikasilbi niini kay dili hidakpan sa kapolisan.
Apan niadtong Biyernes sa gabii, mitambong kini sa kalingawan nga sa ilang sitio tungod kay bisperas sa ilang fiesta .
Apan samtang nagsuroysuroy kini sa ngitngit nga bahin kalit lang nadungog sa mga saksi ang sunodsunod nga mga buto sa armas ug dihang gisusi patay na kini.