TF sa NFA gibungkag

Gibungkag sa National  Food Authority (NFA)-7 ang ilang gi-umol nga task force nga maoy gitahasan sa paggukod niadtong mga negosyante nga nanago og stocks sa bugas humay.

Gipasabot ni Edgar  Diez  ang tigpamaba sa National  Food Authority (NFA)-7 nga    gusto sila nga ang ilang ulohang buhatan mismo maoy mo-umol og task force nga mogukod sa mga mapahimuslanong negosyante.

Matud pa niya nga sa pagkakarun padayon gihapong miawhag ang ilang buhatan ngadto sa mga negosyante nga dili manago og stocks sa ilang baligyang bugas, kini aron dili maapektuhan ang mga kabos nga katawhan.

Gipasalig hinuon niini, nga posibleng karong sunod bulan ilang hatagan og daghang rice allocations ang mga NFA retailers sa kalungsoran sa Sugbu ug sa ubang kalungsoran sa Central Visayas.

Giluwatan ni Diez ang maong pasalig gumikan sa reklamo sa katawhan sa ubang kalungsoran nga wala na sila makapalit og NFA rice gumikan kay nahurot na ang stocks sa bugas humay.