Nasikop sa kapulisan ang gitumbok nga notadong drug pusher sa habagatang bahin sa Sugbu samtang namaligya sa akto og shabu sulod sa diskohan atol sa bisperas sa kapistahan sa barangay Pitalo San Fernando niadtong Martes sa ala 1:00 sa kaadlawon.
Ang suspek nga nasikop sa kapulisan giila nga si Archel Bacalso, 34, taga sitio Lacaron, Pitalo, San Fernando.
Matod ni PO3 Jesus Bontilao sa San Fernando Police Station dihang nahinabi sa Banat News ang suspek gitumbok nga notorious drug dealer sa maong lugar ug mga silingang lungsod base sa rekord sa National Bureau of Investigation (NBI).
Gisikop ang suspek pinasubay sa warrant of arrest may labot sa Violation of Sec.6 Art. 3 of R.A. 9165 may labot sa pagpalusot og gidiling drugas.
Nakuha sa posisyon sa suspek ang usa ka pakete nga dunay gituohang sulod nga shabu nga gibana banang mokantidad og P400.