Gipusil patay ang usa ka lalaki nga nag-atang og sakyanan nga iyang kasakyan didto sa barangay Kawit lungsod sa Medillen niadtong Lunes sa gabii.
Ang biktima nakaangkon og mga samad pinusilan sa kalawasan ug giila nga si Danilo Compas, 49, residente sa sitio Tuhob barangay Antipolo sakop sa maong lungsod.
Matud ni SPO2 Alfredo Limalima sa Medillen Police Station dihang nahinabi sa Banat News nag-atang og bus pasaheroan nga kasakyan ang biktima dihang kalit lang giduol sa duha ka lalaki nga nagsakay sa motorsiklo ug nagtaptap sa ilang nawong.
Ang backrider niini sa walay daghang pangutana kalit lang nibunot sa armas og nipusil sa biktima sa makadaghan nga higayon paingon sa bukirang barangay sa Maharohay.
Matud ni SPO2 Limalima patay diha dayon ang biktima nga naka-angkon og samad pinusilan sa dughan ug tiyan og wala na makaabot pa sa Bogo City District Hospital.
Ang mga nirespondi nga sakop sa kapulisan naka-recover og duha ka basiyo sa bala sa kalibre .45 og usa ka buhing bala ingon man usa ka parisan sa tsinilas nga gituohang gipanag-iya sa mga suspek.