Nipusil ni Torralba gikumbikto sa korte
Gihukmang mabilanggo sulod sa walo ngadto sa 12 ka tuig ang suspek nga si John Lloyd Ortiz sa pagpusil sa komentaristang si Circe “Choy” Torralba nga nahitabo dul-an upat na ka tuig ang nakalabay.
Si Regional Trial Court (RTC) Branch 12 judge Estela Alma Singco mibasura sa depensa ni Ortiz nga nihimakak sa pagsuway pagpatay kang Torralba niadtong Hunyo 8, 2004 diha sa Don Jose Avila St. duol sa radio station nga gialagaran sa biktima.
Si Torralba nga nasamdan sa maong hitabo nakahimo pagbawos pagpabuto sa iyang armas aron abugon ang mamumuno. Hinuon bisan nakumbikto si Ortiz gihatagan kini og temporaryong kagawasan samtang gipaabot pa ang motion for reconsideration nga ilang isang-at.
Sumala pa nila ni Atty. Rolando Quimbo ug Atty. Haide Acuña manlalaban ni Ortiz nga ilang hingusgan pagkuha og mosyon aron ipaklaro ang pangangkon ni Torralba nga nakapabuto kini ug nagtoo gyud nga naigo niini ang suspek.
Gikatahong wala gyuy ulat sa samad pinusilan si Ortiz maong makapaduda kini sa pangangkon sa biktima, gani gimando pang hubuon ni Ortiz ang sinina aron makita gyud kung may ulat kini.
Si Torralba sa iyang bahin nagkanayon nga iyang dawaton ang bisan unsang legal nga pamaaging buhaton sa kampo ni Ortiz apan dako ang iyang pagtuong di kini molampos.
Si Singco wala mohatag og gibug-aton sa pangangkon ni Ortiz nga didto siya sa
“For this defense to prosper, accused must prove not only that he was somewhere else when the crime was committed, but also that he could not have been physically present at the crime scene or even its immediate vicinity at the time of its commission,” sumala pa sa desisyon.
Gihatagan hinuon og gibug-aton sa korte ang positive identification in Torralba ug sa mga testigos kang Ortiz nga mao gyud ang gunman.
Si Torralba nagkanayon nga posibleng giselosan siya ni Ortiz tungod sa babaye.
Samtang gimandoan usab sa korte si Ortiz sa pagbayad og P161,200 isip actual damages sa hospital expenses ug repair sa nabuslot nga sakyanan ni Torralba.
- Latest
- Trending
