LTO-7 maniid sa terminal

Hugtan sa Land Transportation Office (LTO)-7 ang pagmonitor sa  mga bus terminal sa tibuok rehiyon 7 atol sa pagsaulog sa Semana Santa.

Matud pa ni Atty. Vicente Gador, hepe sa Operations Division sa LTO-7 nga hugtan nila ang pagbantay  aron malikayan ang overloading ug overcharging sa mga bus nga magbiyahean sa probinsya ilabi na dinhi sa  Sugbu.

Nagtuo si Gador nga duna gyuy mga drayber ug mga konduktor nga mopahimulos sa higayon hinungdan nga angayan gyud kining bantayan sa LTO-7

Lakip usab sa  bantayan sa mga personnel sa LTO-7 ang mga Vehicle for Hire (V-hire) kinsa mopataas usab sa ilang naandang pletehan.

Giawhag hinuon ni Gador ang mga pasahero nga kinahanglan mo-report gyud dayon sila sa taga LTO-7 kun mabiktima sila sa mga binuang sa mga drayber ug konduktor sa mga bus ug niining mga V-hire.