Dili na pabutangan og mga peryahan ang dakbayan sa Naga atol sa kasaulogan sa Semana Santa sunod semana.
Kini ang nasayran sa Banat News kang Naga mayor Valdimar Chiong sa dihang nahinabi kagahapon pinaagi sa telepono.
Matud sa mayor sulod sa 50 na ka tuig, walay kalainan matag tuig ang pagpahigayon sa “Sugat sa Naga” diin himuon kining usa ka drama presentation nga langkoban ra usab sa iyang mga empleyado sa munisipyo.
“Nagsugod naman gani sila og praktis diri sa drama. Dihang gipangutana kung nag-hire ba siya og magtutudlo sa iyang mga empleyado, ang mayor nagkanayon nga wala na kinahanglana tungod kay dunay makamao sa iyang mga empleyado,” asoy pa ni Chiong.
Ang mayor nigahin og pundo nga P300,000 alang sa maong kalihokan karung sunod semana.
Wala na usab mangayo og augmentation force si Chiong kang CPPO Director Sr. Supt. Carmelo Valmoria tungod kay matag “Sugat sa Naga” malinawon ang siyudad ug walay mga panghitabo nga motumaw.
Niingon si Chiong ang gamiton lang niya mao ang mga sakop sa barangay tanod ug barangay Intelligence Network (BIN) ingon man ang mga polis nga maoy mobantay ug mopatuman sa kahapsay ug kalinaw sa siyudad atol sa maong kalihokan.
Gipaabot nga mas daghan gihapon ang mga tumatan-aw sa maong kalihokan susama sa miaging mga tuig nga gipahigayon ang “Sugat sa Naga.”