Buhing Kalbaryo dunay kanta
Mas nindot nga Buhing Kalbaryo ang masaksihan sa mga Sugbuanon karong Biyernes Santo itandi sa nangaging katuigan.
Kini maoy gipasalig ni Cedric Tumulak, ang project director sa Buhing Kalbaryo dihang nahinabi sa Banat News.
Ang Buhing Kalbaryo mao ang pasyon ni Ginoong Hesukristo sa iyang pagpasakit ug pagpalansang sa krus nga gihatagan og buhing paghulagway.
Matud ni Tumulak nga lahi ang Buhing Kalbaryo karong tuiga tungod kay kini gihimong kombinasyon sa musical ug drama.
“Naa tay daghang musical karon, naa tay mga kanta-kanta ba, mao nay among gidugang aron dili usab pul-an ang mga tumatan-aw,” sumala ni Tumulak.
Magsugod gihapon ang Buhing Kalbaryo diha sa Cebu City Sports Complex sa alas 11 sa buntag karong Biyernes Santo.
Ang prosesyon anha agi sa barangay Pahina Central lahos ngadto sa Taboan, V. Rama Avenue sa barangay Calamba, ug adto tapuson sa simbahan sa Guadalupe.
Pag-abot sa nahisgutang simbahan adto na ilansang si Hesus kansang papel dalhon gihapon sa
Kini mao na ang ikaduhang higayon nga magpalansang sa krus si Aljambre nga gilansang usab sa Biyernes Santo niadtong miaging tuig.
Ang batikang direktor sa Sugbu nga si Al Evangelio mao gihapon ang modireher sa ika-11 na nga Buhing Kalbaryo karong tuiga.
Matud ni Tumulak nga gipasalig ni Evangelio nga ilang nindoton ang presentasyon taliwala sa ilang kahagip-ot sa panahon pagbansay-bansay.
- Latest
- Trending
